- Upptøkurnar eru okkara egnu

03.12.2019 - 17:12
AktueltPolitikkur
- Upptøkurnar eru okkara egnu
Tíðindaleiðarin vísir aftur ákærunum frá landsstýrinum um, at talan er um "upptøku, ið stovnurin av órøttum hevði fingið hendur á".
 

Tað stendur orð móti orði í málinum um, hvat goymir seg handan fútabannið, ið er sett móti upplýsingum, sum Kringvarp Føroya hevur frá einum fundi í november millum landsstýrisfólk og kinesiska sendiharran.

Løgmansskrivstovan hevur seinnapartin lagt skriv út á heimasíðuna.

Har stendur, at: 

"Orsøkin til, at landsstýrið heitti á fútarættin um at leggja fútabann, er, at Kringvarp Føroya hevði ætlanir um at brúka eina upptøku, ið stovnurin av órøttum hevði fingið hendur á."

Men Kringvarpið hevur ikki fingið hendur á nakra upptøku av órøttum, sambært Georg L. Petersen, tíðindaleiðara í Kringvarpi Føroya.

 - Talan er um okkara egnu upptøku, sigur tíðindaleiðarin.

Í stríð við revsilógina

Víðari skrivar løgmansskrivstovan:

 - Føroya Rættur hevur í avgerð síni lagt dent á, hvussu Kringvarp Føroya fekk hesa upptøkuna til vega. Føroya Rættur staðfestir, at um Kringvarp Føroya brúkti hesar upplýsingar, vildi tað sannlíkt verið í stríð við revsilógina, stendur millum annað í skrivinum frá landsstýrinum.

 - Eisini leggur rætturin dent á, at hevði talan verið um skrivligar upplýsingar, høvdu hesar upplýsingar verið undantiknar reglunum um alment innlit, tí talan er um vardar innanhýsis upplýsingar, skrivar landsstýrið víðari.

Upplýsingarnar, sum nú eru fevndar av fútabanni, hava almennan áhuga, heldur Georg Lindenskov Petersen, tíðindaleiðari í Kringvarpinum

 
Nýggjastu sendingar í ÚV
Fríggjadag 10. juli
Góðan morgun Føroyar 10.07.2020
111236
Fríggjadag 10. juli
Morgunlesturin fríggjamorgunin 10. juli 2020
110792
Hósdag 9. juli
Ein táttur er silvur 2.partur
111175
Hósdag 9. juli
Nón 9. juli 2020
111209
Nýggjastu sendingar í SV
Mikudag 8. juli
Hvalbiartunnilin skotin ígjøgnum
111104
Týsdag 7. juli
3-2
111099
Hósdag 2. juli
Úr savninum: Havið ímillum (2:2)
110938