Stríð um nýtt gøtunavn í Havn

13.12.2019 - 10:26
AktueltPolitikkur
Stríð um nýtt gøtunavn í Havn
Ósemja er um, hvussu gøtan í nýggju útstykkingini, sum verður gjørd við Villingadalsvegin í Havn, skal eita
Skal nýggja útstykkingin við Villingadalsvegin í Havn eita Ryskigøta ella Fípugøta? Tað eru tað fleiri meiningar um
Mynd: © Loftmynd: kortal.fo  
 

Eitt stríð um eitt gøtunavn er endað aftur í Mentamálanevndini hjá býráðnum í Havn. Tað hendi á býráðsfundinum í gjárkvøldið.

Tvey uppskot eru. Tey eru Ryskigøta og Fípugøta. Gøtunavnanevndin kom fyrst við navninum Ryskigøta. Ryski er planta í sevættini og veksur í haga og fjallalendi. 

Málið beint aftur í nevnd

Hetta varð so einmælt samtykt á býráðsfundi í summar. Men so gjørdi smápartafelagið, sum stykkjar út, vart við seg.

Stjórin í felagnum segði, at Ryskigøta er torført at siga hjá nógvum, og navnið kann skjótt misskiljast. Hansara uppskot er Fípugøta. Gøtunavnanevndin broytti so navnið til Fípugøta.

Men ein meiriluti í Mentanarnevndini heldur fast um Ryskigøtu. Á býráðsfundinum í gjárkvøldið fór málið um nýggja gøtunavnið aftur í Mentanarnevndina.

 
Nýggjastu sendingar í ÚV
Leygardag 30. mai
Morgunlesturin leygardagurin 30.mai 2020
109170
Fríggjadag 29. mai
Góðan morgun Føroyar 29.05.2020
109499
Hósdag 28. mai
Breddin
109454
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292