Súni stillar uppaftur til formanssessin

Formansval verður í Starvsmannafelagnum á aðalfundinum í mars.

Freistin at stilla upp er 15. januar.

Formaðurin verður valdur fyri fýra ár við vanligum meiriluta.

Formansstarvið í Starvsmannafelanum er lønt fulltíðarstarv. 

Sambært sáttmálanum hevur tann, sum verður valdur, rætt til at fáa farloyvi frá arbeiðsplássinum alla formanstíðina.

Umleið 2.000 limir eru í Starvsmannafelagnum, sum er størsta fakfelag á almenna arbeiðsmarknaðinum. 

Súni roynir aftur

Súni Selfoss hevur formaður í Starvsmannafelagnum seinastu fýra árini, og hann sigur, at hann fer at stilla uppaftur til formansvalið.

Starvsmannafelagið og Lønardeildin í fíggjarmálaráðnum samráðast framvegis um nýggja sáttmála.

Súni Selfoss, sigur, at tað gongur spakuliga framá í samráðingunum, men ivasamt er, um nakar sáttmáli verður gjørdur fyri jól.

Hann sigur, at Starvsmannafelagið er til reiðar at brúka ta tíð, sum krevst, at fáa ein góðan sáttmála.

Sáttmálin millum Starvsmannafelagið og Fíggjarmálaráðið fór úr gildi 1. oktober, men hann er í gildi, meðan partarnir samráðast.