Tilburður við Skarvsoyruna kundi endað galið

11.01.2020 - 10:10
Aktuelt112
Tilburður við Skarvsoyruna kundi endað galið
Júst tá ein persónbilur og ein trailari møtast, dettur okkurt úr lastini og endar á persónbilinum, og hetta kundi endað við eini vanlukku
 

Ein tilburður við Skarvsoyruna - tað er á strekkinum millum Hvalvík og við Áir - kundi enda við eini vanlukku, seint seinnapartin í gjár.

Júst tá ein persónbilur og ein trailari møtast, dettur okkurt úr lastini og endar á persónbilinum. Luturin endar niðri á kølaragrilluni, har tað ger somikið nógvan skaða á bilin, at ávaringarlampurnar inni í bilinum fara at lýsa.

Hendingin fór fram, umleið klokkan 17:20 seinnapartin í gjár.

Sambært løgregluni kundi tilburðurin enda við eini vanlukku, um hesin luturin av trailaranum eittnú rakti forrútin á bilinum.

Nakað av vindi var seinnapartin í gjár. Løgreglan heitir á tey, sum koyra við lastbilum og trailarum, um at tryggja sær at alt í lastini er surrað, soleiðis at tað ikki kann fúka og gera skaða í ferðsluni.

Tað var myrkt, tá tilburðurin við Skarvs'oyruna fór fram í gjár. Førarin á persónbilinum dugir tí ikki at siga, hvussu trailarin sá út.

Annars upplýsir vakthavandi á politistøðini í Havn, at náttin hevur verið stak friðarlig.
 

 
Nýggjastu sendingar í ÚV
Leygardag 22. februar
Á Quiztinum - 6. innleiðandi umfar
105136
Leygardag 22. februar
Vanlukkan í Vesturísinum (7:8)
104375
Leygardag 22. februar
Jambalaja 220220
105154
Nýggjastu sendingar í SV
Leygardag 22. februar
Flogbóltur: Mjølnir - SÍ
105160
Leygardag 22. februar
Flogbóltur: SÍ - Mjølnir
105161
Hósdag 20. februar
Hyggjuráðið
105088