Óbodnir gestir í gamla Venjingarskúlanum

Tíðliga Í gjárkvøldið fekk politiið fráboðan um, at fólk vóru inni í gamla Venjingarskúlanum í Havn.

Har átti eingin at vera, segði húsavørðurin.

Farið var tí á staðið.

Og har vóru trý fólk. Tey høvdu tikið eina plátu frá einum vindeyga, og sluppu inn tann vegin.

Tey gjørdu ongan skaða, og einki var stolið.

Fólkini vildu bara hava eitt stað at vera.

Men tey vóru burturvíst, sigur politiið.