Ferðafólkamet, men minni farmur og postur

Í fjør fóru 424.281 ferðafólk um flogvøllin í Vágum.

Tað eru 12,3 prosent fleiri enn í 2018.

Í desember í fjør var vøksturin 10,6 prosent samanborið við desember 2018.

Fráferðirnar og komurnar vóru 5.649 í fjør, 4,4 prosent fleiri enn í 2018.

Men eru ferðafólkini fleiri, er stór minking í farminum, og posturin er eisini minni nú.

Farmurin minkaði 23,5 prosent í fjør og posturin næstan seks prosent.