Tvey skip fiska enn

Tvey føroysk frystilínuskip fiska enn á Flemish Cap, tí fiskiskapurin, sum skuldi halda uppat klokkan tíggju í gjárkvøldið, kann halda fram til klokkan tíggju í kvøld.

Orsøkin er, at í gjár var ringt veður á Flemish Cap.

Í morgun vóru 54 tons eftir av kvotuni, og Klakkur og Jákup B royna enn.

Hini skipini eru farin at sigla heim. Tey eru Eivind, Jógvan I, Stapin og Kambur.

Skipini býttu kvotuna, 1907 tons, millum sín, so hvørt skipið fekk góð 272 tons.

Klakkur fiskar kvotuna hjá Ågot. Hann hevði 441 tons í morgun.

Ågot ger royndir á Føroyabanka.