Nógv regn tók gamalt met

Nógv regn tók gamalt met
SEV setti met í grønari orku í januar. Framleiðslan var 23 gigawatttímar, sum eru 63 prosent av streyminum í januar
 
06.02.2020 - 08:19

Gamla metið var frá januar 2014, tá 17,5 gigawatttímar komu frá vatni og vindi. Nógva avfallið í januar í ár gjørdi, at 18 gigawatttímar fingust úr vatninum.

Í januar komu 49 prosent frá vatni og 14 prosent frá vindi, ella 63 prosent frá varandi orkukeldum. Eiðisverkið setti eisini met í januar. Tað gjørdi 10,3 gigawatttímar.

Sól kann eisini brúkast til at gera streym, sjálvt í januar. SEV sigur, at sólorkulundin í Sumba gjørdi 672 kilowatttímar í januar. Teir svara til gott og væl tað, sum eitt húski brúkti.

Mesta vindferðin í Húsahaga, har sum SEV hevur vindmyllur, var 57,4 m/s í januar. Tá vindferðin fer upp um 34 m/s, steðga myllurnar. Nógvur vindur var í januar, so tí var vindorkan minni enn í januar í fjør.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585