Øssur avloysir Hanus

Øssur Kjølbro verður virkandi sóknarprestur í Norðoya vestara prestagjaldi frá 15. februar til 31. mai.

Øssur Kjølbro hevur verið aðalskrivari í Kirkjuligu Heimamissiónini í mong ár. Seinastu tíðina hevur hann tikið sær av samskipan og samskifti.

Øssur Kjølbro varð prestvígdur í januar 2018, og hevur verið óløntur hjálparprestur í Eiðis prestagjaldi seinastu tvey árini.

Øssur avloysir sóknarprestin, Hanus á Gørðum, meðan Hanus er í lestrarfarloyvi.