Krevja broytingar á dekkinum eftir óhapp

Broytingar eru kravdar á dekkinum á farmaskipinum Hav Streym, so til ber at lata lastalúkurnar upp, uttan at manningin er í vanda.

Danska skaðanevndin, DMAIB, kannaði óhappið, tá ein maður, sum var við Hav Streym, fekk stóran skaða í einum arbeiðsóhappi 2.november í fjør.

Hav Streym var tá í Karmøy í Noregi. 

Maðurin skuldi lata eina lastalúku upp.

Fyri at kunna lata hana upp, skuldi ein gravimaskina, sum er á lastini, flytast.

Maðurin, sum fekk skaða, kom fyri gravimaskinuna.