Vildi steðga byggiætlanini í Saksun

25.02.2020 - 11:34
AktueltPolitikkur
Vildi steðga byggiætlanini í Saksun
Broytingaurppskotið hjá Pól Nikláa Thorkildshøj varð felt, og býráðið í Sunda kommunu samtykti í staðin at lýsa økið í Saksun alment til sølu
Uppskotið hjá Pól Nikláa Thorkilshøj um ikki at loyva bygging í Saksun vann ikki frama
 

Yvirfriðingarnevndin skal ikki avgera, um býráðið í Sunda kommunu skal loyva bygging í Saksun.

Tað heldur Pól Niklái Thorkildshøj, býráðslimur, sum í gjár mælti til at stegða ætlanini at loyva bygging í Saksun.

Hann sigur, at fólkini í Saksun, har eru átta vaksin, hava púra greitt sagt, at ætlanin er óynskt. 

Broytingaruppskotið varð tó felt á býráðsfundinum.

Almenn søla

Býráðið samtykti síðani við níggju atkvøðum eitt uppskot frá Fíggjarnevndini um at seta økið í Saksun alment til sølu. Tvær atkvøður vóru ímóti.

Og mælt varð eisini til, at økið verður ikki sett til sølu fyrr enn endaliga niðurstøðan frá Yvirfriðingarnevndini er komin.Eisini tað varð samtykt.

Økið, sum nú skal bjóðast út, er annars longu selt einum felag undir stovnan. Og Sunda kommuna hevur fingið pengarnar fyri økið, sum er 4.500 fermetrar.

Økið er selt fyri 218.000 kr. Tað er prísurin sambært príslistanum fyri almenna jørð á plássum sum Saksun.

Ongar viðmerkingar

John Henrik Holm í Vági, sum er við í ætlanini at byggja summarhús í Saksun, hevur ongar viðmerkingar.

Hann vil ikki siga, um hann fer at bjóða, um økið verður boðið út alment.

Heðin Zachariassen, borgarstjóri í Sunda kommunu, hevur sagt, at pengarnir, sum kommunan hevur fingið fyri jørðina í Saksun, verða goldnir aftur.

 
 

 
Nýggjastu sendingar í ÚV
Fríggjadag 25. september
Morgunlestur fríggjadagur 25. september 2020
113639
Hósdag 24. september
RagnarRokk 24.september 2020
113781
Hósdag 24. september
RagnarRokk: Lee Kerslake 1947-2020
113742
Hósdag 24. september
RagnarRokk: Allan um At The Movies
113739
Hósdag 24. september
Breddin
113907
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746