Atkvøða um at seta grein 25-nevnd

Atkvøða um at seta grein 25-nevnd
Nevndin skal viðgera eitt uppskot um at broyta starvsheiti í stýrisskipanarlógini
Hervør Pálsdóttir og Ingilín D. Strøm hava skotið upp at broyta starvsheiti í stýrisskipanarlógini
 
26.02.2020 - 09:14

Løgtingið fer í dag at atkvøða um eitt uppskot um at seta eina grein 25-nevnd at viðgera uppskotið um at broyta stýrisskipanarlógina.

Í einari grein 25-nevnd plaga at vera fólk úr øllum flokkum í løgtinginum. 

Nevndir, sum verða settar eftir grein 25 í tingskipanini, sita, til nevndin hevur avgreitt setning sín og í longsta lagi, til tingsetan endar á ólavsøku.

Broyta starvsheiti

Orðið maður í stýriskipanarlógini skal broytast til fólk. Løgtingsmaður skal verða løgtingsfólk til dømis. Og embætismaður skal eita embætisfólk.Men samgonguleiðarin kann eita antin løgmaður ella løgkvinna. 

Tingkvinnurnar Ingilín Strøm í Javnaðarflokkinum og Hervør Pálsdóttir í Tjóðveldi mæla til at broyta stýriskipanarlógina hesum víðvíkjandi.

Men Bárður á Steig Nielsen, løgmaður, sigur, at øll stýrisskipanarlógin, sum er frá 1994, skal endurskoðast í staðin fyri at gera einstakar broytingar í henni. 

At broyta stýriskipanarlógina er ikki bara sum at siga tað. Broytingin skal fyrst samtykkjast í einum valskeiði.

Síðani skal hon aftur í løgtingið, eftir at val hevur verið, og verða samtykt har óbroytt í fyrstu setuni hjá tí nývalda tinginum.

Ófráboðaðir fyrispurningar

Ófráboðaðir fyrispurningar til landsstýrið eru eisini á skránni fyri tingfundin í dag.

Løgtingið fer at viðgera uppskotini hjá Javnaðarflokkinum um lata langtíðarsjúk fólk sleppa at vera í dagpengaskipanini í meira enn 40 vikur og um at strika aldursmarkið, sum er 70 ár, í dagpengaskipanini.

Tingfundurin í dag er kl.11.00.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858