Handil átalu fyri skeiva marknaðarføring

Upprunaliga prísurin eigur at verða nevndur, tá lýst verður við tilboðum ella útsølu á heimasíðum. Tað hevur Brúkaraumboðið gjørt vart við.

Ein handil hevur fingið átalu fyri brot á marknaðarføringarlógina, tí upprunaprísirnir ikki vóru upplýstir í tilboðslýsingum á heimasíðuni hjá handlinum í sambandi við Black Friday.

Prísir skulu eisini upplýsast á heimasíðuni

Í lýsingunum varð nevnt, hvussu stórur avslátturin var frá upprunaprísinum, men tað er ikki nóg mikið, sigur Rannvá Ragnarsdóttir, stjóri í Brúkaraumboðnum.

Á somu heimasíðu bar til at lesa tilboðsblaðið, sum var borið í hvørt hús, og har var upprunaprísurin tilskilaður.

Men Brúkaraumboðið ger vart við, at upprunaprísirnir skulu eisini nevnast í øllum tilboðslýsingum á heimasíðuni.