Royna semju millum KAF og heilsuhjálpararnar

Klokkan tíggju fyrrapartin fór Semingsstovnurin undir at fáa Heilsuhjálparafelagið og Kommunala arbeiðsgevarafelagið at semjast um nýggjan sáttmálan.

Roynt verður, til Semingsstovnurnin metir, um semingsuppskot kann leggjast fram.

Kommunala arbeiðsgevarafelagið og Heilsuhjálparafelagið hava samráðst um nýggjan sáttmála síðani í oktober í fjør. 

Men fríggjadagin í síðstu viku helt Kommunala arbeiðsgevarafelagið, at ov langt var millum partarnar til, at teir megnaðu at finna semju sjálvir, hóast átta samráðingarfundir hava verið. Felagið vildi tí hava Semingsstovnin uppí.