Lóg um doping og matchfixing í ítrótti

29.02.2020 - 13:29
ÍtrótturAnnar ítróttur
Lóg um doping og matchfixing í ítrótti
Óreiðilig ávirkan á ítrótt - matchfixing - verður revsað, um lógaruppskotið verður samtykt
Jenis av Rana, landsstýrismaður
 

Jenis av Rana, landsstýrismaður, hevur borið løgtinginum lógaruppskot um doping og óreiðiliga ávirkan í ítrótti. 

Lógaruppskotið gevur landsstýrismanninum heimild at góðkenna felagsskap, sum skal hava dopingeftirlit í Føroyum. Talan er bæði um eftirlit við skipaðum ítrótti og vinnurekandi venjingarmiðstøðum.

Harafturat verður óreiðilig ávirkan á ítrótt - vanliga kallað matchfixing - revsað, verður lógaruppskotið samtykt. 

Matchfixing er, tá úrslitið av eini ítróttarkapping verður avtalað frammanundan. Endamálið við matchfixing er sum oftast at fáa peningaligan vinning. 

27 uppskot

Tá freistin at lata løgtinginum uppskot, sum skulu viðgerast í hesi tingsetuni, fór á middegi í gjár, hevði landsstýrið latið tinginum tilsamans 27 uppskot.

In.fo skrivar, at andstøðuflokkarnir hava latið tinginum tilsamans 25 uppskot, sum skulu viðgerast tað, sum er eftir av hesi tingsetuni.

Jonhard Klettheyggj, stjóri á løgtingsskrivstovuni, vil ikki upplýsa, hvussu nógv uppskot eru borin løgtinginum til eftirkanning. 

Tað verður ikki upplýst fyrr enn seinasta framløgudag, sum er fríggjadagin 6. mars, sigur hann. 

 
Nýggjastu sendingar í ÚV
Sunnudag 24. januar
Meg minnist: Pætur Rasmussen (3:4)
118903
Sunnudag 24. januar
Guðstænasta úr Kvívíkar kirkju.
119347
Leygardag 23. januar
TEMAPLÁTAN: Van Halen, Van Halen, 1978
119342
Leygardag 23. januar
Ein váðafull bumbuferð
118473
Nýggjastu sendingar í SV
Sunnudag 24. januar
Andaktin
119359
Sunnudag 24. januar
Guðstænasta í Kvívíkar kirkju.
119351
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181