Breddin: Búskaparfrágreiðing og corona

Landskassin er ikki nóg væl brynjaður til ein lágkonjuktur. Bruttotjóðarúrtøkan vaks sjey prosent í fjør, vøksturin var níggju prosent, og landið eigur at fáa meira fyri veiðigjøldini.

Tað eru høvuðsboðskapirnir í nýggju várfrágreiðingini hjá Búskaparráðnum, ið varð almannakunngjørd í gjár.

Vit hyggja nærri at nýggjastu støðulýsingini av búskaparfrágreiðingini saman við Djóna Højgaard, formanni í Búskaparráðnum, sum kemur í útvarpsstovuna.

Aftaná fara Bárður á Steig Nielsen, løgmaður, Kristina Háfoss, tingkvinna fyri Tjóðveldi, Jørgen Niclasen, landsstýrismaður í fíggjarmálum, og Aksel V. Johannesen, formaður í Javnaðarflokkinum, at kjakast um nýggju frágreiðingina.

Corona og Føroyar

Corona-smittan breiðir seg støðugt um allan heim, og er nú eisini staðfest í øllum okkara grannalondum.

Sostatt tykist bara vera spurningur um tíð, at sjúkan verður staðfest í Føroyum.

Men eru allar mannagongdir gjørdar, til tess at lofta sjúkuni? Hvørji stig verða tikin, at smittan ikki skal breiða seg? Hvussu nógv fólk eru í vandabólkinum, um sjúkan fær fótafesti her? Og hvat er munurin á corona og vanligum beinkrími?

Hetta spyrja vit Shahin Gaini, serlækna í infeksjónssjúkum, og Marjus Dam, formann í Kommunulæknafelagnum.

Breddin í dag klokkan 17.05