Corona: Partabrøvini minka nógv í virði í Asia

Partabrøvini á marknaðunum í Asia fullu nógv í morgun. Orsøkin er coronavirusið, og at prísurin á olju eisini lækkaði nógv, skrivar Reuters.

Saudiarabia gjørdi um vikuskiftið av at lækka sín almenna oljuprís. Tað varð gjørt, eftir at semja ikki fekst við Russland um at minka um søluna av olju, tí eftirspurningurin er minkaður munandi, síðani coronavirusið fór at gera um seg.

Virðið á partabrøvum er lækkað 10 prosent í Asia í eina viku, og í morgun fall oljuprísurin ein triðing í Asia.

Í eini frágreiðing sigur ST, at búskapargongdin kring heimin er viknað av coronavorusinum, og 5.000 fyritøkur sum eru skrásettar á partabrævamarknaðinum, hava boaðað frá, at teirra meting nú er níggju prosent verri fyri árið, skrivar Ritzau.