Vandi fyri størri maskinskaða á Tjaldrinum

Tað verður ikki fyrr enn fríggjadagin, at Vørn fær fulla greiðu á, hvussu umfatandi maskinbrekið á Tjaldrinum er. 

Vandi er fyri, at gearið á skipinum eisini er farið.

Tað sigur Jóhan Simonsen, virkandi stjóri í Vørn:

Danska verjuskipið "Lauge Koch" liggur í løtuni á Skálafjørðinum. Skipið hevur verið her eina tíð, og er í løtuni einasta skip, sum røkir vaktar- og bjargingartænastur við Føroyar.

Vit hava í dag spurt Arktisk Kommando, hvussu leingi "Lauge Koch" kann væntast at vera verandi í føroyskum sjóøki, og um skipið kann røkja tær uppgávur, sum Brimil og Tjaldrið vanliga røkja.

Arktisk Kommando hevur enn ikki svarað.

Lauge Koch er eitt av trimum skipum í sonevnda "Knud Rasmussen klassanum" hjá donsku sjóverjuni. Skipið er bygt í 2016, tað er 72 metrar langt og góðar 14 metrar breitt, og tyrla kann lenda á skipinum.