Sosialdemokratarnir givið skarvin yvir at skipa stjórn

Sosialdemokratarnir í Svøríki geva nú skarvin yvir at skipa stjórn í Svøríki

- Í løtuni er eingin møguleiki at skipa eina stjórn, sigur Magdalena Andersson, forkvinna í sosialdemokratiska flokkinum, á einum tíðindafundi í morgun. 

Val var í Svøríki 13. september.

Andstøðan fekk lítlan meirluta, og stjórnin hjá Ulf Kristersson og Moderatunum misti meirlutan.

Tað fall tí Magdalenu Andersson í lut at standa á odda fyri at skipa eina stjórn. 

Men nú gevur hon skarvin yvir, skrivar NRK.

Ein av orsøkunum, at Magdalena Andersson gevst, er at flokkurin ikki fær stuðul fyri sínum uppskoti um, hvør skal vera formaður í ríkisdegnum.

Vinstriflokkurin boðaði í gjár frá, at flokkurin ikki vil stuðla valevninum, sum Sosialdemokratarnir hava skotið upp.