Net og Nema: Ferðslan á netinum nógv vaksin

Tað merkist á fjarskiftisnetinum, at fólk sita heima og arbeiða í hesum døgum, og ikki á arbeiðsplássum.

Bæði hjá Føroya Tele og Nema er ferðslan á breiðbandinum mitt um dagin nógv økt, síðani fólk fóru til hús at arbeiða.

- Ferðslan sum heild er økt, men vøksturiní ferðsluni er týðiligast um dagin, sigur Páll Vesturbú, stjóri í Neti hjá Føroya Tele.

Eisini hjá Nema

Tann vøksturin merkja tey eisini hjá hinum stóra fjarskiftisveitaranum, Nema:

- Tað er í løtuni líka so nógv ferðsla á netinum mitt um dagin, sum tað vanliga plagdi at vera um kvøldarnar, sigur Gudny Langgaard, stjóri.

Vøksturin á fjarskiftisnetinum er bæði á breiðbandinum og á fartelefonnetinum, siga tey hjá Føroya Tele og Nema.

Biður um at seta góskuna niður

Franski ES-kommisserurin, Thierry Breton, hevur heitt á Netflix um at seta góðskuna niður, tí stroymingtænastur seta stór krøv til fjarskiftisnetini.

Hetta verður tó neyvan aktuelt í Føroyum, tí fjarskiftisnetini her hava so stóran kapasitet, siga tey hjá Føroya Tele og Nema.