Kappingin byrjar kanska fyrst í mai

bannari
02.04.2020 - 13:55
ÍtrótturFótbóltur
Kappingin byrjar kanska fyrst í mai
Fótbóltssambandið eigur avgerðina, men í síðsta enda liggur bólturin hjá landsstýrinum
Neyðugt kann verða, at spæla fleiri dystir um vikuna, tá fótbóltskappingin byrjar aftur
Mynd: © Bjarni Árting Rubeksen  
 

Fótbóltssambandið situr í hesum døgum og umhugsar, hvussu fótbóltskappingin í ár kann bjargast á bestan hátt.

Fleiri ætlanir liggja á borðinum, og tann mest upplagda í løtuni er at bríksla fyrstu dystirnar í gongd um ein mánað og herja á alt summarið.

Fyrsta bríksl skuldi annars ljóða 8. mars, men tað kom ongantíð. Korona kom ístaðin og sendi allar leikararnar í umklæðingarrúmið.

 >> SÍ EISINI Váttað: Ongin fótbóltur næstu tvær vikurnar

Har hava leikararnir bíðað síðani. Hendingaferðir sleppa teir út at venja - einans tríggir í senn, og tað slítur uppá dystarvenjingina.

Samstundis venda øll eygu móti Tórsvølli í Gundadali í Havn, har umsitingin hjá Fótbóltssambandinum vigar ymisku ætlanirnar upp móti hvørjari aðrari.

Sum skilst, er ætlanin, ið liggur fremst í bunkanum  í løtuni, at byrja fyrst í mei. Tá verður áttanda umfar, sum ætlað, og síðani koyrt ahead hvørt vikuskifti uttan summarsteðg.

Fleiri ósvaraðir spurningar

Ætlanin er eisini, at tey sjey fyrstu umførini frá í vár skulu heintast inn við dystum mitt í viku. Ætlanin hevur avbjóðingar við sær.

Fyri tað fyrsta - halda beinini til tveir dystir um vikuna alt summarið? Um ikki - hava feløgini nóg breiðan hóp til tað?

- Megna feløgini at savna áhoyrarar, tá tað er so stutt millum dystirnar? Sleppa áhoyrarar yvirhøvur at fara til dyst?

- Hvussu við ferðing til og úr Suðuroynni mitt í viku?

- Skulu øll 27 umførini spælast, ella er kanska nóg mikið við 18 umførum?

Og so tann týdningarmesti spurningurin, sum er avgerandi fyri, um kappingin kann byrja í mai: Nær sleppa leikararnir úr umklæðingarrúminum og út á vøllin at venja dystarformin upp aftur?

Tað svarið liggur ikki í FSF-hølunum á Tórsvølli; men í Tinganesi, har avgerð skal takast, hvussu nógv fólk kunnu savnast eftir páskir?

 
Nýggjastu sendingar í ÚV
Týsdag 2. juni
LEITISSTEIN 01.06.2020 (Goes Gospel)
109628
Týsdag 2. juni
Breddin
109627
Týsdag 2. juni
Nón 2. juni 2020
109621
Týsdag 2. juni
Tempo: Rasisma
109614
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558