Lítið av toski á landgrunninum

04.04.2020 - 15:15
Aktuelt
Lítið av toski á landgrunninum
Havrannsóknarskipið hjá Havstovuni, Magnus Heinason, er júst afturkomið av árligu vár-yvirlitstrolingini á føroyska landgrunninum
Kelda: Savnsmynd
 

Nógv hýsa, men ikki nógvur toskur. Soleiðis var støðan á føroyska landgrunninum, sambært Havstovuni.

Manningin umborð á Magnusi Heinasyni fekk nógva hýsu í trolið á landgrunninum, men nøgdin á toski var munandi minni enn um sama tíðarskeið í fjør. Ein orsøk til hetta kann vera, at toskurin var seinur á veg til gýting, og tí ikki hevði savnað seg enn á vanligu gýtingarøkjunum. Tað sigur Havstovan.

Toskurin, sum kom í trolið hjá Magnusi Heinasyni, var somuleiðis sera rak í mun til onnur ár. Helst tí at lítið av nebbasild hevur verið í longri tíð.

Havstovan gjørdi eisini vár-yvirlitstrolingar á Føroyabanka í mars mánaði. Tær bendu á, at har var toskurin við at koma fyri seg aftur. Søguliga lítil toskur hevur annars verið á Føroyabanka síðani 2006. Tí varð Føroyabanki friðaður fyri fiskiskap í 2009.  

Tað er ein jalig gongd, at meira av toski aftur sæst á Føroyabanka, men Havstovan sigur, at fleiri kanningar skulu til áðrenn Føroyabanki verður latin uppaftur til fiskiskap.

 
Nýggjastu sendingar í ÚV
Týsdag 2. mars
Breddin
121056
Týsdag 2. mars
Óhoyrt: Spæl føroyskt
121054
Týsdag 2. mars
Tempo
121044
Týsdag 2. mars
Góðan morgun Føroyar 02.03.2021
121024
Nýggjastu sendingar í SV
Mánadag 1. mars
3-2
121003
Sunnudag 28. februar
TeenStreet lovsangur (5:5)
120907
Sunnudag 28. februar
Andakt við Margareth Djurhuus
120906
Sunnudag 28. februar
Guðstænasta í Christianskirkjuni
120902
Leygardag 27. februar
Flogbóltur: ÍF - Mjølnir
120899