11 verkætlanir um koronagransking

11 granskingarverkætlanir hava nú fingið stuðul frá Granskingargrunninum, Sjúkrakassagrunninum og frá vinnufyritøkum í Føroyum til at granska Covid-19.

Tann nýggjasta er um at granska búskaparligu avleiðingarnar, hvussu Covid-19 ávirkar fiskivinnuna og alivinnuna og, hvørjar avleiðingarnar eru fyri búskapin.

Unn Laksá, leiðari í nýstovnaða Sjókovanum, er verkætlanarleiðari. 

Stuðulin er góðar 190.000 kr.

Nú eru játtaðar 2.341.480 kr. í stuðli til granskingarverkætlanir um Covid-19.

Enn eru pengar eftir, tí tríggjar milliónir krónur eru at lata.