USA byggir út í Keflavík

USA byggir út í Keflavík
Endamálið við verkætlanini er at bøta um umstøðurnar hjá NATO-flogførum, sum eru á varðhaldi. 
Floghavnin í Keflavík
 
28.04.2020 - 09:46

Amerikanski herurin er farin undir stóra byggiverkætlan innan fyri trygdarøkið kring flogvøllin í Keflavík í Íslandi.

Tað skrivar Morgunblaðið.

Ein hangarur skal umbyggjast, og umstøður skulu gerast, so at flogfør kunnu vaskast.

Endamálið við verkætlanini er at bøta um umstøðurnar hjá NATO-flogførum, sum eru á varðhaldi. 

Verkætlanin kostar 13,7 milliónir dollarar, ella 94 milliónir danskar krónur. Avtalan varð undirskrivað í fjør.

Partur av størri verkætlan

Hetta er partur av størri verkætlan, sum amerikanska stjórnin hevur tikið stig til í altjóða floghavnini í Keflavík. Hetta er fyrsta verkætlan, síðani amerikanska herstøðin í Keflavík varð niðurløgd í 2006.

Sambært Ásgeir Erlendsson, kunningarfólki hjá íslendsku sjóverjuni, varð sjøtul settur á arbeiðið longu í fjør, og tað gongur eftir ætlan.

Byggiverkætlanin er býtt sundur millum amerikanska flotan og amerikanska flogvápnið.

Amerikanska verjumálaráðið fíggjar alla verkætlanina, sum er mett at kosta 142 milliónur danskar krónur. 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592