Kannar svik við hjálparpakkum í Danmark

bannari
21.05.2020 - 17:23
AktueltÚtheimurin
Kannar svik við hjálparpakkum í Danmark
Danska bakmansløgreglan hevur fingið 20 fráboðanir um at møguligt svindil er framt fyri við almenna hjálparpakkanum fyri meira enn 7,1 mió. krónur
 

Almenni hjálparpakkin skal hjálpa vinnulívinum gjøgnum koronukreppuna. Tað upplýsir ákæruvaldið í tíðindaskrivi.

Eisini verður upplýst, at løgreglan hevur lagt hald á 470.000 krónur.

Vilja fáa peningini aftur

Partur av fráboðaða svikinum kom undan kavi áðrenn partar av teimum sjey milliónunum vórðu útgoldnar.

- Tað hevur týdning, at stuðulsskipanir og hjálparpakkar, sum skulu hjálpa fyritøkum og lønmóttakarum, verða útgoldnir til tey røttu og ikki verða misbrúktir, - hvørki av skipaðum brotsmonnum ella svikarum. Vit arbeiða eisini miðvíst við at fáa peningin aftur, sum fólk við at svika hava fingið úr almenna pengakassanum, sigur løgreglustjórin, Thomas Anderskov Riis, í tíðindaskrivinum.

Danska Vinnustýrið og almenna Deildin fyri Hvítting siga, at 18 av teimum 20 fráboðanunum snúgva seg um møguligt svik við stuðulsskipanini fyri lønarískoyti. Ein fráboðan snýr seg um møguligt svik við fleiri stuðulsskipanum.

Peningastovnar lata upplýsingar

Umframt fráboðanirnar til bakmansløgregluna, hevur deildin fyri Hvítting fingið 133 upplýsingar frá donskum bankum, sum hava illgruna um svik í samband við hjálparpakkarnar.

- Donsku peningastovnarnir gera risastórt arbeiði og geva okkum virðismiklar upplýsingar, sum hava alstóran týdning fyri arbeiðið hjá myndugleikunum, sigur Thomas Anderskov Riis.

Í tíðindaskrivinum stendur einki um at skuldsetingar eru reistar í málunum.

 
Nýggjastu sendingar í ÚV
Leygardag 11. juli
Kjakaríið: Heini, Ester og Høgni
111286
Leygardag 11. juli
Miskunnarleysir dagar í Hamburg
111045
Leygardag 11. juli
Føroyingar álopnir úr luftini
111275
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281