355 tons aftrat á Flemish Cap

Føroyar hava fingið 355 tons av toski á Flemish Cap, sum er í NAFO-økinum.

Toskurin er fyri rossamakrelin, sum Føroyar hava í Suðurkyrrahavinum.

Føroyar fiska ikki longur í Suðurkyrrahavinum, og tí hava Føroyar fingið tosk á Flemish Cap í einum býtishandli við ES.

Trý loyvi

Føroyingar hava trý loyvi í Suðurkyrrahavinum. Thor í Hósvík eigur tvey teirra, og Ocean Group Faroes í Vági eigur eitt, sum reiðaríið keypti frá Thor. 

Tey 335 tonsini verða latin teimum sum felagskvota, sum 31.desember 2017 høvdu loyvi at fiska í altjóða sjógvi í Suðurkyrrahavinum. Og tað eru Thor og Ocean Group Faroes.

NAFO-økið er altjóða sjógvur sunnan fyri Grønland og eystan fyri Kanada.