Knappar 53 milliónir í avlopi

2019 gjørdist eitt gott ár hjá Vónin-samtakinum, ið kundi vísa á eitt yvirskot upp á 52,9 milliónir krónur. 

Tað er 8,9 milliónir krónur meira enn árið fyri, tá yvirskotið var 44 milliónir krónur. 

Í tíðindaskrivi upplýsir samtakið, at orsøkin til góðu gongdina er framgongd á stórt sæð øllum rakstrarstøðum. 

Frá 2018 til 2019 vaks eginognin í samtakinum úr 235,5 milliónir krónum upp í 275,2 milliónir krónur. 

Umleið 400 starvsfólk arbeiða í samtakinum, harav 100 starvast í Føroyum.

Vónin hevur virksemi í Føroyum, Kanada, Grønlandi, Íslandi, Norra, Litava og Russlandi.