Vit brúka minni brennievni

Samlað minkaði innflutningurin av brennievni við 100 milliónum krónum ella 5 prosentum mánaðirnar mars, apríl og mai, tá korona rakti føroyska samfelagið, samanborið við somu mánaðir í fjør. 

Tað er serliga bíliga brennievnið, sum er orsøkin. Innflutningurin minkaði 30 prosent, meðan virðið er minkað 60 prosent.

Um vit ikki telja innflutningin av brennievni við, er hinvegin talan um vøkstur í innflutninginum hesar mánaðirnar.

Færri bilar innfluttir

Færri bilar eru innfluttir hesar mánaðirnar. Innflutningsvirði í bólkinum bilar o.o. flutningsfør er minkað 17 prosent.

Tað, sum verður roknað sum beinleiðis nýtsla hjá húsarhaldunum, vaks fimm prosent,  her er meira innflutt í flestu vørubólkum.

Tó innflyta vit 18 prosent minni av klædnavørum og fótbúnaði, skrivar Hagstovan.