- Tíðindi, mentan og ítróttur
Ógvusligar vatnflóðir í Kina

Nógvar ógvusligar vatnflóðir eru í Kina. Vatnflóðir eru keðiligar í sjálvum sær og elva til nógvan skaða og fleiri kunnu lata lív, men tær ávirka eisini arbeiðið at basa koronasmittuni, skrivar Reuters.
Býurin Wuhan og fleiri landspartar kring Wuhan eru serliga meint raktir. Vatnflóðirnar koma orsakað av gloprar-regni.
Vatnstøðan er 1-2,5 metrar omanfyri vanliga vatnstøðu.
Tað eru vatnflóðir í Kina á hvørjum ári, tí summarregnið gerst so ógvusligt, men í ár er tað serliga ringt. Hetta ávirkar eisini útflutning av vørum til umheiminum, ið verða brúktar til koronasmittuna.
Í næstu viku verða ongar vørur útfluttar, og tað kunnu ganga tríggjar vikur, áðrenn vit aftur fáa vøru úr Kina, sigur amerikanski Michael Einhorn, sum eigur eina heilsølu í USA, sum selir eingangskiltar, handskar og tílíkt.


























