Færri smittað eftir dagar við met nógvum tilburðum

bannari
Færri smittað eftir dagar við met nógvum tilburðum
Nýggjastu smittutølini í USA eru 17.000 minni enn fríggjadagin, tá meira enn 77.000 fólk fingu staðfest koronu
Umleið ein fjórðingur av øllum koronutilburðunum í heiminum eru skrásettir í USA
Mynd: AP  
 
19.07.2020 - 15:24

Eftir trý samdøgur við met stórum smittutølum í USA, er talið minkað teir seinastu 24 tímarnar.

Tilsamans hava 60.207 fólk í landinum fingið staðfest COVID-19 seinasta samdøgrið.

Tað vísa nýggj tøl hjá Johns Hopkins University, sum eru kunngjørd, skrivar tíðindastovan hjá Ritzau.

Vaksið støðugt síðani mai

Nýggjastu smittutølini úr USA vísa, at 17.000 fólk færri fingu staðfest koronu leygardagin enn tað gjørdu fríggjadagin.

Mikudagin fingu fleiri enn 67.000 fólk í USA staðfest COVID-19, og hósdagin var tað talið oman fyri 68.000.

Talið av smittaðum í USA er vaksið støðugt síðani mai, tá tey ymisku stakríkini so smátt lótu upp aftur fyri at fáa ferð á aftur búskapin.

Ein fjórðingur av øllum smittaðum

Í stakríkjunum, Arizona og Texas, eru so nógv fólk deyð, at heilsumyndugleikarnir mugu goyma lík í kølibilum, tí líkhúsini eru full.

Tilsamans 3,7 milliónir fólk í USA hava fingið staðfest COVID-19, og næstan 140.000 fólk í landinum eru deyð av smittuni, vísa nýggj tøl hjá Johns Hopkins University.

Umleið ein fjórðingur av øllum smittutilburðum í heiminum eru nú skrásettir í USA. Brasil, India og Suðurafrika eru eisini hart rakt í løtuni.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592