ES-leiðarar samdir um milliardir til raktu londini

bannari
21.07.2020 - 07:52
AktueltÚtheimurin
ES-leiðarar samdir um milliardir til raktu londini
Stjórnarleiðararnir í ES eru vorðnir samdir um eina søguliga stóra fíggjaravtalu, ið skal hjálpa ES-londunum úr koronukreppuni
Ursula von der Leyen, forkvinna í ES-nevndini, og Charles Michel, formaður í Evroparáðnum, geva hvørjum alboga á tíðindafundi í morgun
Mynd: © AP  
 

ES-stjórnarleiðararnir eru komnir ásamt um, hvussu koronu endurreisingargrunnurin skal síggja út, eftir at hava tingast í fýra samdøgur, skrivar BBC. 

Semjan hevur við sær, at samveldið bjóðar umleið 5.500 milliardir í stuðli og lánum fyri at hjálpa londum at koma fyri seg eftir koronukreppuna. 

 >> SÍ EISINI Sendikvinna: Ósemjan pilkar við ES-grundvøllin

Samráðingarleiðarin, Charles Michel, sigur, at semjan er avgerandi fyri Evropa, meðan franski forsetin, Emmanuel Macron, kallaði semjuna søguliga.

Samráðingarnar byrjaðu fríggjadagin, og ósemja var skjótt millum tey londini, sum vórðu harðast rakt av koronu, eitt nú Spania og Italia, og tey, sum óttaðust fyri kostnaðinum av hjálpargrunninum, til dømis Danmark og Holland.

Kjarnin í endurreisingargrunninum er ein stuðulsupphædd uppá góðar 3.000 milliardir, ið skal nýtast sum stuðul til tey limalondini, sum eru harðast rakt av koronu. Semja var eisini funnnin um sjey ára fíggjarætlanina hjá ES.

 
Nýggjastu sendingar í ÚV
Leygardag 15. august
Brunsj við Anju Hartmann Wardum
112366
Leygardag 15. august
Gróðurbærar nýrembingar
111550
Leygardag 15. august
Morgunlesturin leygarmorgunin 15. august 2020
112098
Fríggjadag 14. august
Summartímin fríggjadagin 14. august
112344
Fríggjadag 14. august
Góðan morgun Føroyar 14.08.2020
112317
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809