Sjúklingar og avvarðandi skulu kannast

Frá1. august skulu sjúklingar og avvarðandi, sum skulu á Sjúklingahotellið Tórshavn í Keypmannahavn, kannast fyri koronu, áðrenn farið verður úr Føroyum.

Sama er galdandi fyri tey, har útlendska sjúkrahúsið krevur poting, áðrenn komið verður.

Tað boðar Landssjúkrahúsið frá í dag. 

Uttanlandstænastan á Landssjúkrahúsinum samskipar og setir seg í samband við tey, sum ikki eru bókað at verða potað.

Tey fáa svar frá einum av teimum trimum sjúkrahúsunum, áðrenn farið verður av landinum.