Talið minkar støðugt

Talið á teimum, sum fáa lønarískoyti, minkar støðugt. Í juli vóru tey 897. Tá flest fólk vóru í skipanini tann 4. apríl, vóru tey 4.320.

Skipanin við lønarískoyti er galdandi henda mánaðin aftrat, og nú rindar landskassin. 20 milliónir krónur eru játtaðar til endamálið. ALS umsitur tó framvegis skipanina.

Talið á teimum, sum fáa vanligan arbeiðsloysisstuðul, minkar eisini. Í juli fingu 450 fólk arbeiðsloysisstuðul, men nú er talið komið niður í 426.