- Tíðindi, mentan og ítróttur
Hava eykaaðalfund um ÍSF-húsið
![](https://kvf.fo/sites/default/files/styles/grein-ovasta-mynd/public/isf-husid.png?itok=YwtgtQHF)
ÍSF hevur eykaaaðalfund 16. september um ÍSF-húsið vestan fyri Svimjihøllina, sum Tórshavnar kommuna skal keypa fyri fimm milliónir krónur, nú langhylur skal byggjast á økinum.
Býráðið ætlar, at ÍSF skal byggja nýtt høvuðssæti við Ovara vøll í Gundadali.
Men ÍSF er ikki liðugt at viðgera hetta enn, og hevur ikki avgjørt, um byggjast skal í Gundadali.
Býráðið ætlaði, at byggingin skuldi byrja í 2024.
Vil hava virðið kapitaliserað
Men ÍSF vil nú hava kapitaliserað virðið, sum tað hevði havt, um ÍSF bygdi í Gundadali.
Talan er um byggibúning og sambygging við onnur hús, sum longu eru í Gundadali.
Tað virðið varð í fjør ásett til tríggjar milliónir og 550.000 kr.
Í seinasta lagi 31. desember í 2025 skal ÍSF hava sett spakan í í Gundadali.