- Tíðindi, mentan og ítróttur
Viðurskiftini verða vanlig aftur á dagstovnum
Viðurskiftini verða vanlig aftur á dagstovnum
Nýggj tilmæli koma í gildi á dagstovnum í morgin, nú fleiri avmarkingar hava verið seinasta mánaðin

06.09.2020 - 09:52
Viðurskiftini á dagstovnunum kring landið verða nú aftur, sum tey plaga at vera, sigur Kommunufelagið, sum hevur ráðført seg við Koronuráðgevingina.
Nýggju tilmælini koma í gildi í morgin.
Tað ber í sær, at ongar avmarkingar vera hjá børnunum at spæla saman, og starvsfólk kunnu eisini flyta ímillum stovur uttan avmarkingar.
Almennu tilmælini um reinføri skulu kortini haldast. Børn og vaksin skulu vaska sær um hendurnar, tá tey koma á stovnin, og annars eftir tørvi.
Hondspritt eigur eisini at verða tøkt at brúka gjøgnum dagin, og eisini er neyðugt, at dagstovnurin verður vaskaður væl og javnan, sigur Kommunufelagið.
Nýggjastu sendingar í ÚV
Nýggjastu sendingar í SV


























