B36 hevur skrivað fótbóltssøgu

16.09.2020 - 22:25
ÍtrótturFótbóltur
B36 hevur skrivað fótbóltssøgu
Eftir bæði longda spælitíð og brotssparkskapping hevur B36 spælt seg víðari í Evropa League fyri triðju ferð á rað og harvið skrivað fótbóltssøgu
Jákup á Borg og hansara menn hava nú vunnið tríggjar Evropa League dystir upp í slag.
Mynd: © Savnsmynd  
 

Eftir hendingarríkan dyst móti walisisku The New Saints hevur B36 nú vunnið tríggjar dystir á rað í Evropa League. Tað hevur onki annað lið í Føroyum megnað fyrr.

B36 legði seg á odda í øðrum minutti í seinna hálvleiki við máli frá Michal Przybylski, men gestirnir javnaðu til 1-1. Og so var neyðugt við longdari leiktíð.

Tað sá onki út hjá heimaliðnum, tá gestirnir løgdu seg framum, tá um 10 minuttir vóru eftir av longdu leiktíðini. Men við útjavnandi máli frá Stefan Radosavljevic var klárt til brotssparksskapping.

Ta kappingina vann B36, millum annað eftir at Rói Mørk Hentze bjargaði tveimum teimum seinastu skotunum frá The New Saints.

Og harvið er søga skrivað, tí B36 hevur sum tað fyrsta liðið í Føroyum vunnið tríggjar Evropa League dystir upp í slag.

Jákup á Borg, venjari hjá B36, sigur, at liðandin og tað, at spælararnir vilja stríðast fyri hvønnannan eru høvuðsorsøkin til, at avrikini eru so góð, og at liðið ongantíð gevur upp. 

 
Nýggjastu sendingar í ÚV
Leygardag 26. september
Brunsj við Hans Esbern Heinesen
113992
Leygardag 26. september
Jambalaja 260920
113988
Leygardag 26. september
Morgunlestur leygardagur 26. september 2020
113640
Fríggjadag 25. september
Nón 25. september 2020
113961
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746