Føroyar skulu reisa seg

Føroyar skulu reisa seg
Føroyska landsliðið spælir í dag Nations League-dyst móti Lettlandi og skal reisa seg eftir keðiliga ósigurin fyri Danmark mikukvøldið
Patrik Johannesen og liðfelagarnir skulu reisa seg eftir tapið fyri Danmark
Mynd: Hans Erik Danielsen/FSF  
 
10.10.2020 - 12:30

Ein sigur er málið, tá Føroyar í dag taka ímóti Lettlandi á Tórsvølli. 

– Vit vilja vinna, men teir skulu vinna, segði Håkan Ericson á tíðindafundi í gjár sambært portal.fo

Eru í góðari støðu 

Føroyar hava gott útgangsstøði undan dystinum. Seks stig eru á talvuni eftir sigrarnar á Malta og Andorra í september, meðan Lettland á øðrum plássi hevur tvey. 

Men føroyingarnir fingu eitt slag á nevið í venjingardystinum móti Danmark mikukvøldið, meðan Lettland fekk javnleik á útivølli móti Montenegro. Spurningurin er, hvørja ávirkan tað kemur at hava á spælararnar hjá liðunum báðum.

Ivi um liðið

Spurningar verða eisini settir við, hvør kemur at manna føroyska liðið, og gitt verður, at nakrar broytingar vera í mun til dystin móti Danmark havandi í huga, at Føroyar spæla ímóti Andorra týsdagin.

in.fo skrivar, at tað er sannlíkt, at millum annað Gilli Rólantsson, Odmar Færø og Klæmint A. Olsen verða at síggja í byrjanarupptillingini.

Jóan Símun ella ikki

Jóan Símun Edmundsson varð innskiftur móti Danmark, men ivi er um, hvørt hann er tilreiðar at spæla frá byrjan, ella um valt verður at brúka hann sum innskiftara.

Framherjin hevur spælt og skotið mál fyri Arminia Bielefeld í seinastuni, men ábendingar eru um, at knæskaðin, sum hann fekk tíðliga í vár, enn darvar hann eitt sindur. Tí er ikki vist, at hann fær spælt 90 minuttir.

Dysturin byrjar klokkan 17:00, og Kringvarpið vísir dystin beinleiðis í sjónvarpinum.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592