Læraraútbúgvingin verður eftirmett

Læraraútbúgvingin verður nú eftirmett.

Tað upplýsir Jenis av Rana, landsstýrismaður í mentamálum, í svari til Jóhannis Joensen, løgtingsmann, sum hevur spurt um málið.

Jenis av Rana sigur, at sambært lógini um Fróðskaparsetrið skal uttanhýsis serfrøði eftirmeta viðurskifti á stovninum við jøvnum millumbili.

Í næstu eftirmeting verður m.a. hugt at Námsvísindadeildini og læraraútbúgvingini.

Landsstýrismaðurin hevur biðið um játtan til eftirmetingina á fíggjarlógini fyri 2021, og Jenis av Rana sigur seg vóna, at eftirmetingin byrjar tíðliga næsta ár.