Selja nú ullina

Búnaðarstovan selur nú ullina, sum hon keypti í summar.

Fyrsta floks ullin er skild í seks náttúrulitir. Ullin í øðrum flokki er litblandað.

Ullin er samfingin og ikki vaskað, men er natúrliga rein og nosslig, sigur Búnaðarstovan. Ullin er pakkað í ballir.

110 ballir eru í fyrsta flokki, 24.592 kilo. Tíggju ballir eru í øðrum flokki, 1.977 kilo.

Skrivlig boð

Ullin verður seld sambært skrivligum, bindandi boði, sum skal latast Búnaðarstovuni í seinasta lagi 6.november kl.15.00.

Minstiprísurin fyri ull í fyrsta flokki er 7,00 kr. fyri kilo, og hann er 1,50 kr. fyri kilo í øðrum flokki.

Omaná kemur meirvirðisgjald.   

Garva seyðaskinn

Búnaðarstovan lýsir eisini við, at søkjast kann um stuðul til at garva seyðaskinn.

Landið hevur jattað 300.000 kr. í ár til hetta endamálið.

Stuðul verður veittur sum endurgjald fyri djóralæknakanningar og djóralæknaváttanir og fyri flutning úr Føroyum og til Føroyar í sambandi við, at skinnini verða send av landinum til garvingar.

Freistin at søkja er til 1.november.