Fleiri heilt ung í Føroyum brúka hørð rúsevni

Tey heilt ungu í Føroyum brúka hørð rúsevni. Tað søgðu tey, tá tey vórðu spurd í fjør vár. Tey eru tó sera fá, men tølini eru vaksandi.

Í fjør søgdu 2,0 prosent seg hava roynt soppar, 1,4 prosent høvdu roynt amfetamin, 1,4 prosent ecstasy, 1,2 prosent høvdu tikið LSD, eisini 1,2 prosent høvdu roynt crack og 1,2 prosent heroin.

Seinastu 30 dagarnar høvdu 1,8 prosent sniffað eitt nú lím og tendraragass, søgdu tey. Í 2015 var hetta talið 2,4 prosent.  

 >> SÍ EISINI Færri dreingir men fleiri gentur roykja

3,5 prosent høvdu roynt hash. Tey vóru 1,2 prosent í 2015. Deildin fyri arbeiðs- og almannaheilsu gjørdi kanningina í níggjunda flokki.

Hon hevur síðani 1989 kannað hugburð, atburð og vitan hjá næmingunum í níggjunda flokki um tubbak, rúsdrekka og rúsevni.

Kanningin er við evropeiskum samstarvi um slíkar kanningar. Tey, sum vóru í níggjunda flokki í fjør vár, vóru 15 ella 16 ára gomul. Tey eru fødd í 2003.