Er nú á veg til Danmarkar

Farmaskipið Tukuma Arctica, sum sleit í illveðrinum leygarnáttina, er nú á veg til Danmarkar.

Vakthavandi á Tórshavnar havn sigur, at skipið fekk bara smávegis skaða, m.a. tvey smærri hol, sum vóru væl oman fyri vatngangin.

Skaðin varð umvældur í nátt, meðan farmurin varð lossaður. Skipið fór av Havnini um níggjutíðina í morgun.

Tukuma Arctica sleit fortrossarnar í nógva vindinum beint eftir midnátt leygarnáttina og snaraði 90 stig, so skipið endaði við at liggja við gronini út móti fjørðinum. 

Tórshavnar havn kannar nú, um bryggjan hevur fingið skaða.