Innflutt djór ikki kannast fyri koronu

Men hundar og kettur skulu fara beinleiðis í heimauppihald saman við eigarunum, til kanningarúrslitið hjá eigarunum er tøkt.

Heilsufrøðiliga starvsstova minnir á, at bara fólk, sum hava fastan bústað í Føroyum, kunnu hava hund ella kettu við, tá tey fara uttanlands. 

Krav um heilsukanning

Treytin er, at djórini skulu verða koppsett fyri tær vanligastu og tær vandamiklastu sjúkurnar í góðari tíð, áðrenn tey fara av landinum.

Krav er eisini um heilsukanning hjá djóralækna og viðgerð fyri sníkar, parasittar, bæði fyri fráferð og eftir afturkomu til Føroya.

Nógvar djórasjúkur, sum eru vanligar aðrastaðni, eru ongantíð staðfestar í Føroyum.