Kunnu ikki draga negativa rentu frá

Negativ renta kann ikki dragast frá í skattinum, hvørki hjá vinnuni ella hjá fólki.

Soleiðis tulkar Taks lógirnar. Eingin heimild er í skattalógunum at loyva frádrátti fyri negativa rentu.   

Longu í januar spurdi Taks Fíggjarmálaráðið, hvussu negativa rentan skal umsitast.

Svar er ikki komið haðani.

Men Jørgen Niclasen, landsstýrismaður, sigur, at eingin slík broyting í skattalógunum er á veg.

Vinnan kann draga útreiðslur frá, sum hon brúkar til at vinna pening.

Negativa rentan er ikki ein slík útreiðsla, sambært tulkingini hjá Taks.