Fleiri skattakrónur í ár

Bæði landið, kommunurnar og kirkjan hava fingið fleiri skattakrónur higartil í ár enn í fjør.

Til 1.desember hevði landið fingið fýra prosent meira í landsskatti og góð sjey prosent meira í eftirlønarskatti.

Kirkjuskatturin gav 6,28 prosent meira enn í fjør.

19 kommunur hava fingið meira

Og fyribilsskatturin hjá kommununum var 3,24 prosent størrri.

Tíggju kommunur hava fingið minni skatt enn í fjør. Hinar 19 hava fingið meira í kassan í ár.

Í prosentum er lækkingin hjá Viðareiðis kommunu tann størsta, hon er 8,67 prosent.

Í hinum endanum er Húsavíkar kommuna. Hon hevur fingið 8,55 prosent meira í skatti í ár enn í fjør.