Nakrar fráboðanir um skaðar

Politiið fekk átta fráboðanir um vindskaðar í gjárkvøldið og í nátt. Tær flestu komu úr Suðuroynni, men eisini onkur úr Sundalagnum.

Tann fyrsta fráboðanin kom beint eftir klokkan níggju í gjárkvøldið og tann seinasta klokkan hálvgum tvey í nátt. 

Klokkan fimm í morgun boðaði ein maskinførari hjá Landsverki, sum var á Vestmannavegnum, frá, at har lógu nakrar takplátur við vegin. 

Nógvi vindurin av norðri heldur fram í allan dag og út á náttina.