Knívur í parlagi

Eitt fólk var í nátt stungið við knívi. Talan er um annað fólkið í einum parlagi, sum er stungið av hinum. 

Viðkomandi er í løtuni innlagdur á sjúkrahús til viðgerðar. 

Løgreglan fekk fráboðan um hendingina klokkan fýra í nátt. Avhoyring hevur ikki verið enn, og tann, ið stakk, er eisini á sjúkrahúsi. 

Tilburðurin hendi í meginøkinum, men uttanfyri Havnina. 

Gangur í veitslum

Løgreglan hevði ikki trupulleikar av skeinkistøðunum í nátt, og fólk vóru í høvuðsheitum røsk at halda tilmæli í býnum.

Men nógvar veitslur vóru heima hjá fólki, og fleiri fráboðanir komu um óljóð og líknandi. Løgreglan vitjaði fleiri av hesum veitslunum.

Tríggir bilførarar vóru tiknir fyri spirituskoyring.