Nýtt koppingarevni verður nú góðkent

Evropeiskir myndugleikar fara væntandi at góðkenna koppingarevnið hjá heilivágsfyritøkuni, Moderna, í dag ella í morgin, sigur stjórin í danska heilivágsstýrinum.

– Stutt eftir at koppingarevnið er góðkent, ber til at koppseta, men tað er Moderna, sum skal fáa gongd á útflutningin, sigur Thomas Senderovitz, stjóri í heilivágsstýrinum.

Moderna er heldur minni fyritøka enn Pfizer, sum hevur gjørt koppingarevnið, ið flestu lond í Evropa brúka. Tað hevur eisini við sær, at Moderna kann ikki framleiða so nógvar skamtar.

Thomas Senderovitz væntar, at um einar tveir, tríggjar mánaðir verður Moderna ført fyri at gera størri nøgdir av koppingarevni.