Torført at fáa skotskan fisk á ES-marknaðin

08.01.2021 - 09:44
AktueltÚtheimurin
Torført at fáa skotskan fisk á ES-marknaðin
Lastbilar noyðast at bíða upp í fýra tímar við ES-markið, og eingin vissa er fyri, at fiskurin sleppur á ES-marknaðin, siga skotsk fiskivinnufeløg
Skotskir fiskimenn lata illa at, nú Bretland er farið úr ES. Teir siga seg ikki hava vissu fyri, um fiskurin frá teimum yvirhøvur sleppur á ES-marknaðin
 

Skotska fiskivinnan er longu farin at merkja, at Bretland um ársskiftið fór endaliga úr ES. Tað er vorðið nógv truplari og dýrari hjá skotskum fiskavørum at koma inn á ES-marknaðin, og nú heitir samtakið, Scottish Seafood Association, á fiskimenn um at avmarka sína veiðu.

Sagt verður, at lastbilar við fiskavørum mugu bíða upp í fýra tímar við markið til ES, og eingin vissa er fyri, at fiskavørurnar sleppa inn á ES-marknaðin, sigur Scottish Seafood Association sambært tíðindasíðuni bloomberg.com.

Skotskir fiskaútflytarar senda vøruna gjøgnum Ongland til Fraklands og haðani inn á ES-marknaðin. Útflytarar siga, at teir hava roynt at sent smáar nøgdir til Fraklands og Spania fyri at royna nýggju skipanina. 

Tríggjar dagar ella meira

Og har tað fyrr tók ein dag at koyra fiskavørur út til kundar, tekur tað nú tríggjar dagar ella upp aftur meir - um vøran yvirhøvur kemur fram.

Ein annar trupulleiki er, at fiskavørur, sum skulu flytast inn í ES, krevja eitt nú veiðiváttanir og heilsuskjøl frá einum djóralækna. Og í løtuni eru ov fáir djóralæknar, sum kunnu geva heilsuváttanir, verður sagt.

Tað krevur óneyðuga bíðitíð, og í eini vinnu, har tað ræður um at halda vøruna so feska sum tilber, merkist tað skjótt, um tað gongur ov long tíð at fáa vøruna út á marknaðin.

Bretska fiskimannafelagið, NFFO, sigur, at óvissan merkist eisini á søluni av skotskum fiskavørum. Keyparar í ES kenna seg ikki vísar í at fáa vøruna í nóg góðari tíð, og velja tí at keypa frá øðrum veitarum, sigur NFFO.

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750