Enn meira føroyskt grønmeti

Enn meira føroyskt grønmeti
Í sløk tvey ár hava alskyns salat og kryddurtir vaksið í eini bingju oman fyri Kvívík. Hetta hevur gingist so mikið væl, at virksemið nú skal víðkast
14.05.2024 - 22:00

Tað sær ikki út av nógvum, men fyritøkan Spírar og Sporar í Kvívík hevur í tvey ár arbeitt við at fáa salatir og kryddurtir at vaksa í einari bingju oman fyri bygdina. 

Spírar og Sporar er dreymurin hjá Magnusi F. Magnusson, stjóra, og so væl hevur gingist, at nú víðka tey virksemið.

"Hvørja viku fara 300 salatir út gjøgnum hurðina í bingjuna, átta kilo av dild, og trý til fýra kila av basilikum," greiðir stjórin frá. 

 

Nú setir Magnus F. Magnusson so tríggjar bingjur afturat upp oman fyri Kvívik, og har ætlar Magnus F. Magnusson at dyrka soppar, rosmarin, timian og nógv meira ymisk sløg av salatum. 

Málið er at hava 20 bingjur sum standa inni í einum bygningi. 

"Dreymurin er, at alt salat og annað viðbrekið grønmeti, sum vit eta í Føroyum, verður framleitt av okkum," sigur Spírar og Sporar-stjórin. 

 

 
Er kopiera
Nýggjastu sendingar í ÚV
Nýggjastu sendingar í SV
Týsdag 18. juni
Veðrið
176960
Mánadag 17. juni
3-2 (18. juni 2024)
176895