Kim eisini aðalskrivari

Norðurkoreiski leiðarin, Kim Jong-un, er nú aðalskrivari í kommunistaflokkinum, sum hann frammanundan er formaður fyri.

Tað skriva norðurkoreiskir miðlar.

Hann var tilnevndur á floksfundinum, sum er um dagarnar.

Heitið sum aðalskrivari hava pápi og abbi hansara eisini havt.

Sagt verður, at tilnevningin er ein roynd at styrkja myndugleikan hjá Kim Jong-un, nú landið hevur fingið stórar búskaparligar avbjóðingar.

Í fráboðan stendur, at tað hevur eydnast Kim Jong-un á framúrskarandi hátt í søguligu verkætlanini at fullføra kjarnorkuuppbyggingina í landinum, skrivar almenna norðurkoreiska tíðindastovan, KCNA.

Á floksfundinum í 2016 varð Kim Jong-un tilnevndur floksformaður.